نهاية الاسبوع.....

بعد عمل متعب طوال الاسبوع الماضي بالشركة قررت قضاء اجازتي بالمزرعه ((بالعبدلي )) وطبعا من زمان ما مريت العبدلي .....

طبعا الجو اروع من الرائع نسمة الهواء بارده بليل ((طبعا)) مع وجود الشاي المخدر عالفحم...ودلة القهوه وهالتمر الحساوي الزين ....نسيت زحمت الشغل ودوخته.....

فعلا افتقدت بالفترة الاخيرة جمعت الشباب وبالاخص الاهل يعني يمكن صار لي اكثر من سنتين ما شاركتهم هالقعده من زحمة المسئوليات اللي ما تخلص ولا راح تخلص ......على فكره صج بعض الشباب ما منهم فايده كنت اشجعهم على المشاركة والدخول بالقطاع الخاص يقولون دوخه وتعب وشغل من الصبح للليل (((وطبعا هذا حال بعض الكويتيين عموما ))) وبس قلت لهم يا جماعه اليوم وقعنا بالشركة ثلاث مناقصات بالجامعه اثنين منهم بالخالدية ووحده بسكن الطالبات بكيفان .....قامت الاتصالات تشتغل ..ما تبون موظفين بهالمشاريع ضحكت وقلت نبي موظفين تقدموا الى غاية امس 7 شباب ...زبس بردت جبدتي فيهم تدرون ليش ...

قبلنا توظيفهم وحولناهم لأحدالمشاريع بشمال الكويت ...وناطر يوم احد علشان يبلغونهم وخلونا نشوف شنو ردت فعلهم ..طبعا واحد منهم انا بلغتة ورد على الرد المتوقع لا ما ابي انت قلت لنا بالخالديه ؟؟؟؟

عموما نرجع للعبدلي.....

انا اقوووول لو حكومتنا تفكر شوي وتستثمر هالاراضي الشاسعه الفاضيه من الجهراء الى العبدلي مو احسن لها الجامعات بين المناطق قلنا ميخالف ...الشويخ ما يقدرون يشيلونه لانه حق فلان وفلان هم قلنا ميخالف ...تشيدون معسكرات للداخليه والدفاع ليش بين البيوت وعلى سبيل المثال مبنى القوات الخاصه بعد المقبره ليش ؟؟؟؟

التطبيقي ((المعهد التجاري )) ما لقى مبنى غير العارضيه بجانب مستشفى الفروانيه واستاذ جابر وبين ثلاث مناطق ويفصله جسر عن موقع الجامعه الجديد ...ليش نحب الزحمه وايد ليش ما ادري .....

عموما خلوني اقوم انزل المسبح ومن بعدها عالعصر ان شاء الله نطلع نصيد طيور افضل انا من حجي الضايع مع هالحكومة .....

بس ما لي غنى عنكم اعتذر ان طولت عليكم بالحجي.....وسلامتكم