دردشه سريعه....

سلالالام لجميع الاحبه....

واعتذر عن التواصل معكم بالفتره السابق وذلك لظروف العمل وتواجدي خارج الكويت لحضور بعض الاجتماعات المتتاليه.....

عموما الوضع عندنا هالايام مثل كل عام بشهر ابريل (شهر السرايات) بس هالمره السرايات من كل صوب...

السرايات الرياضيه ...

انتخابات الاتحاد الاسيوي ولعبة بن همام والشيخ سلمان ومنع الكويت من المشاركة بالانتخابات وتبادل التصاريح بين بن همام القطري وبن همام الكويتي( الفهد) انت تصوت وانت ما تصوت وبالنهايه للحين احنا مو عارفين مصير رياضتنا بالكويت والمده قربت تنتهي وراح يتوقف النشاط وللحين الشباب يبون يثبتون حق بعض منو الاقوى....
وطبعا هناك انتخابات للاتحاد العربي اللي عمري ما فهمت منه شيء ومن انجازاته شيء وهم بن همام وسلطان بن فهد وطبعا صاحبنا الكويتي موجود بينهم ....
اقول فكونا من الانتخابات وخلونا نعود بالرياضه الكويتيه للمقدمه افضل..وطبعا صاحبنا يموت على شيء اسمه(( انتخابات))

السرايات السياسيه...

حدث فلا حرج انتخابات ومراسيم ضروره وتهديدات وسحب امن دوله وازدواج جناسي ودوخه فرارة المرشحين والشعارات البطاليه وما انسى الفرعيات اللي بكل صوب وتحت عين صاحبنا...........
وبالنهايه راح يتحولون للنيابه ويطلع بكفالة وبعدها راح ينجح بالانتخابات وكالعاده يرفض البرلمان عرضهم مره ثانيه للنيابه طبعا للحصانه وتحفظ القضيه ويادار ما دخلك شر....

السرايات الاقتصاديه...

لا مجال للحديث عنها لانها الان قاعد تعيش الوضع بالعكس....

بالنهايه ما اقول ما لنا غير الدوام وخلونا نعيش عيالنا بعيد عن هالسرايات اللي بعد شهر او شهرين تنتفي ((الاقتصاديه الله اعلم متى تخلص ))

وسلالالالالالالالالالالالالالالالالالامتكم