ارحمونا......الله يغربلكم...!

كل سنه بالصيف نفتك ونرتاح من المجلس والحكومه وتصريحاتهم (المليغه) لانهم بأجازه .....
نوابنا هالسنه اغلبهم مسافرين وطبعا حكومتنا اكيد معاهم والحلوه طبعا فيهم انهم يلتقون... بالشانزليزيه او بأجورد رود وبالروشه وبمكة وبمشهد ((وكل حسب مستواه)) ويتبادلون اطراف الحديث بكل حلاوه ووناسه وبعد ما يرجعون لفنادقهم يستخفون ، وايد ويبدون يصرحون ويهددون بعضهم بعض.... وطبعا صحافتنا الجميله وبالاخص الجديده منها ما يصدقون خبر علشان يحرفون ويصبون الزيت عالنار ....اهو بروحه الجو عندنا نار وغبار ولا واحد فينا له خلق الثاني ... والاخوان النواب قاعدين بهالبراد وطايحين له يكفرون بعضهم بعض بسبب تصريح من وزيرة التربيه بتعديل المناهج مع العلم انه هالقرار ليس وليد اليوم انما من ثلاث سنوات هناك لجان تعمل لتعديل المناهج وتطويرها (يعني ماكوا شيء جديد ) لكن هناك بعض المغفلين من اعضاء المجلس يحبون الفتنه واشعال النيران بهالبلد المسالم اللي ما كنا ندري منو السني من الشيعي فيه كلنا كويتيين نحب هالارض ...........
سؤال لكل كويتي غيور يحب هالارض..... ليش قاعد يصير فينا جذي ؟؟؟

يعني خلاص تجاوزنا مرحلة انقطاع الكهرباء ....انقطاع الماء ....عدلنا البنية التحتيه للبلد.... خلصنا من مشكلة المستشفيات... خلصنا من مشكلة الاسكان ...ووسعنا الشوارع وتخلصنا من ازمة المرور... وخلصنا من المراجعات الممله بالوزارت وصار كل شغلنا بالتكنالوجيا يعني......
وصلنا للمستوى العالمي بالمنشئات الرياضيه وطبقنا القوانين....ولو بكمل ما راح اخلص...........

ما اقول الا الله يغربلكم ويغربل كل من كان السبب بوصولنا للحال ((الردي )) هذا...........

اقول لكل مثيرين الفتنه الطائفيه من الفريقين..........

ارحموا الكويت.....الله لا يرحمكم لا دنيا ولا اخره......

الله يغربلكم .....ارحمونا.....!