رحلة الحج

الحمدالله رحلت هالسنه كانت وايد حلوه ، بغض النظر عن بعض المتاعب اللي حصلت بداية ما رضوا الدوام بالاجازه ، وقالوا ورانا شغل وايدد ((تدرون قطاع خاص )) وبعد عدة محاولات ولف ودوران ونقاش مع المدير العام وافق بس بشرطين....

الاول ..اجازه من غير راتب ......والشرط الثاني ان تلفوني يكون شغال طول فترة السفر لمتابعة الاداره اللي انا مديرها .....ومع هالامر ومرارته وافقت على هالشروط بس ، اسافر واخدم الحجاج لاني مساعد مشرف الكادر بالحملة ، وطبعا كانت السفره

من 23-11 الى 12-12 تقريبا 18 يوم ((عليكم الحساب ))....

وفعلا توجهنا الى مكة المكرمة لتجهيز العماره هناك وبعد ما اعتمرنا ، ولله الحمد بدء الشغل الصح من 7 الصبح الى 10 بليل او اكثر مع العمال لتنظيف وترتيب العمار وشراء الحاجات المهمه ، وبعد اربع ايام تقريبا توجهت لمدينه رسول الله (ص) هالارض الطيبة الشرحه وبعد زيارة الرسول (ص) وائمة البقيع (ع) بدئنا بترتيب سكن المدينه قبل وصول الحجاج وفور وصول الحجاج بدء عاد الشغل الصح ....

وكان عدد الحجاج هالسنه تقريبا 200 حاج وحجيه والحمدالله توفقنا ان شاء الله بخدمتهم وكانت الاجواء ميسره ونتظيم اكثر من رائع للمشاعر بعرفه ومزدلفه ومنى ...........

وطبعا تعبت نفسيا من حجوزات السفر الكل كان اوكيه الا انا مع اربع شباب رحله ثانيه بعدها بأربعين دقيقه ولكنها فرجت باللحظات الاخيره ولله الحمد وطرنا على الدرجه اولى او كما تسمى الفيرست كلاس عموما كرسي كان c1..............

عموما هالسنه الحمدالله الوضع كان ايجابي جدا ما كن عندي مشكله الا مع الدوام اللي تعبوني وايد بأتصالاتهم حتى وصلت الفاتوره تقريبا الى 220 دينار ((على حساب الشركه)) ............. وعقب ما وصلت الكويت مساء الجمعه داوم كان يوم السبت وماكو حتى راحه ...

اسف على الاطاله.......