عيدكم مبارك

عيدكم مبارك وكل عام وانتم بكل خير واسأل من الله العلي القدير ان يتقبل صيامنا وقيامنا بهذا الشهر المبارك وان يرزقنا حج بيته الحرام بعامنا هذا وكل عام ...............

اتمنى للجميع اجازه سعيدة بأذن الله ............

الشعب ضايع بين نوريه وباقر

مع بداية العام الدراسي للمرحلة الابتداية ورياض الاطفال شفت اخي الصيغر وايد متضايقه وهي طبعا بالصف الثالث ابتدائي قلتها اشفيج حبيبتي عسى ما شر ردت على وهي تصرخ ((شنو ما يفهمون ما يحسون هذي اشلون حاطينها وزيره )) قلتها ليش قالت انا فطرت اليوم ما قدرت اكمل صيامي لانه ماكو مكيفات ووايد حر وبعدين شنو هذا انا ظهري يعورني من الجنطه قلت ليش قالت ما عطونا جدول للحين وكل يوم اخذ كل كتبي معاي المدرسه انا ابي اعرف هذي الوزيره ليش (تجذب) وتقول كل المكيفات تشتغل......انا ما راح اعلق واكتفي بكلام اختي الصيغره للي اعرف اشلون توصف الحال والوضع المتردي بالتربيه وقولها تحملي حبيتي علشان الكويت ...........

ومع بداية الشهر الكريم طلعنا الوزير العبقري ((وزير الاسبغتي)) بالهديه الرمضانيه وقبل ايام قال راح نزيد الدجاج والجبن حسب الظاهر ان الوزير متأثر النظام الشيوعي وحاب يطبقه علينا ....وطبعا طوابيير عالتموين الى درجة ان صار توزيع ارقام ووصلت ببعض المناطق الارقام الى 150 وفوق يعني اخذ رقم وراجع بعد ثلاث او اربع ساعات ..........عموما الله يعيننا على الوضع الحالي والله يصبرنا على باقر ........... للعلم باقر بس يقدر عالمساكين من الشعب ....خلوه يروينا مراجله بالبورصه اللي انعفست فوق تحت وهذا شيء طبيعي لانه الوزير مشغول مع الشعريه والمعكرونيه او انه ما يقدر على اهل البورصه.........

صندوق المعسرين
عقب ما شفنا الطوابير عالتموين الحين الطوابير عالبنوك بسبب صدوق المعسرين اللي ممكن نطلق عليه لقب ((صندوق الذهب للبنوك )) لانهم المستفيد الاكبر من هالعمليه الدايخه اللي راح تربحهم ملايين الملايين ،،وهالمواطن الفقير مستانس القسط راح يقل وراح يتعدل وضعي المادي ،، من شروط هالصندوق ان اللي يسجل ما يحق له ان يأخذ اقساط من اي مكان طيب خلونا نفترض اني ابي اشتري سياره بعد ثلاث سنوات اشلون شنو يسوي ،،طبعا من الشروط انك ما تأخذ اي مديونيه الا بعد ما تخلص من الماليه .........هل هذا ما يتمناه اعضاء المجلس للشعب ما اقول الا الشرهه مو عليكم علينا احنا اللي صوتنا لك وابارك من كل قلبي للبنوك على تحقيق هذا الانجاز .......
والسلام ختام